ब्रेकिङ न्युज


#सामाजिक

संखुवासभामा सामुहिक हत्या काण्डमा संलग्न अभियुक्त सार्वजानिक

ईखबरपत्रिका समाचार

प्रकाशित मिति: September 12,2021


RatoParkhalसंखुवासभामा सामुहिक हत्या काण्डमा संलग्न अभियुक्त सार्वजानिक

ईखबर २७ भदौ,आइतबार                                      संखुवासभाको मादी नगरपालिका(१ मा भएको एकै परिवारका ६ जनाको सामुहिक हत्यामा संग्लग्न स्थानीय २५ बर्षीय लोक बहादुर कार्की पक्राउ परेका छन् । कार्कीले भाद्र २१ गते छिमेकी ५५ बर्षीय तेज बहादुर कार्की, ५४ बर्षीया कमला भन्ने मनमाया कार्की, ३२ बर्षीया रञ्जना कार्की, ८ बर्षीय बिपिन भनिने दिपेन कार्की, ५ बर्षीया गोमा कार्की र ८४ बर्षीया पार्वती भन्ने पार्वता कार्कीको हत्या गरेका थिए ।

२१ गते बिहान करिव साँढे ६ बजेको समयमा कार्की परिवरको हत्या भएको भन्ने खबर प्राप्त भएसंगै तत्काल जिल्ला प्रहरी कार्यालय संखुवासभाबाट प्रहरी टोली घटनास्थल पुगी सुरक्षित राखेको थियो । घटनाको थप अनुसन्धानको लागी संघिय प्रहरी ईकाई कार्यालय धरानबाट डग सहितको प्रहरी टोली, १ नम्बर प्रदेश प्रहरी कार्यालयको अनुसन्धान टोली तथा केन्द्रीय अनुसन्धान ब्युरोको प्रहरी टोली समेत परिचानल भएको थियो ।

घटनाको सुक्ष्म तथा गहन अनुसन्धान गरिरहेको प्रहरी टोलीलाई थप सहजताको लागी अनुसन्धानको नेतृत्व गर्न १ नम्बर प्रदेश प्रहरी कार्यालय बिराटनगरबाट खटिएका प्रदेश प्रहरी प्रमुख प्रहरी नायव महानिरीक्षक अरुण कुमार बि।सी। सहितको अनुसन्धान टोलीले सामुहिक हत्यामा संग्लग्न रहेका कार्कीलाई घटना भएको छैटौ दिनमा पक्राउ गरेको थियो ।

गरी प्रदेश प्रहरी प्रमुख सहितको उपस्थितीमा आज ईलाका प्रहरी कार्यालय चैनपुरमा पत्रकार सम्मेलन गरी सार्वजानिक गरिएको हो । पक्राउ परेका कार्की बैदेशीक रोजगारीको शिलशिलामा पटक पटक बिदेश गएता पनी स्थास्थ्यमा समस्या आई घर फर्की बसिरहेको र आफु बिदेशमा रहदा केही कमाउन नसकेको प्रति हिनताबोध भई समय समयमा बिक्षिप्त हुने गरेको र आफै आवेश तथा आक्रोश आई परिवारकै हत्या गरेको प्रारम्भिक अनुसन्धानबाट खुल्न आएको छ ।

अभियुक्तका काका समेत रहेका मृतक तेज बहादुर कार्की अभियुक्तको घरमा खेताला भन्न गई फर्कने क्रममा अभियुक्तले बिगतमा आफुलाई सम्झाई बुझाई गरेको शब्दहरुलाई गाली गलौजको रुपमा लिई नजिकै रहेको दाउराको चिर्पटले टाउको पछाडी प्रहार गरी हत्या गरेको थियो ।

चिर्पटले प्रहार भए पछि हार गुहार गर्दा श्रीमती र बुहारी समेत घटनास्थलमा पुगे पछि उनिहरुलाई पनि पहि हत्या गरेको र घर नजिक बाटोको डिलमा रहेका दुई जना नावालकलाई समेत चिर्पटले प्रहार गरी हत्या गरेको खुलेको छ भने घरमा रहेकी पार्वता कार्कीलाई कपालमा समातेर भित्तामा टाउको ठोकाई हत्या गरेको अभियुक्तले बयान दिएको छ ।
चिर्पट प्रहार पश्चात घटनामा प्रयोग भएको दाउरा घरमा लगेर आगो बालेको अनुसन्धानको क्रममा खुल्न आएको छ । शुरुमा तेज बहादुरको हत्या गरेका लोक बहादुरले तेज बहादुरको हत्या गरेको घर परिवारका अन्य सदस्यले समेत देखेको हुँदा घटनालाई ढाकछोप गर्न परिवारकै हत्या गरेको अनुसन्धानको क्रममा खुल्न आएको छ । पक्राउ परेका कार्कीको सम्बन्धमा जिल्ला प्रहरी कार्यालय संखुवासभाबाट थप अनुसन्धान तथा कानूनी कारवाही भईरहेको छ ।


फेसबूक बाट प्रतिकृया दिनुहोस् :

भिडियो