ब्रेकिङ न्युज


#सामाजिक

पछिल्लो २४ घण्टामा देशभर तीन हजार आठ सय ४० जनामा काेभिड १९ सङ्क्रमण पुष्टि

ईखबरपत्रिका समाचार

प्रकाशित मिति: July 28,2021


RatoParkhalपछिल्लो २४ घण्टामा देशभर तीन हजार आठ सय ४० जनामा काेभिड १९ सङ्क्रमण पुष्टि

ईखबर १३ साउन २०७८ बुधबार/पछिल्लो २४ घण्टामा देशभर तीन हजार आठ सय ४० जनामा काेभिड १९ (कोरोना भाइरस) सङ्क्रमण पुष्टि भएको छ । १० हजार आठ सय ८६ जनाको पीसीआर र चार हजार नौ सय २२ जनाको एन्टिजेन विधिबाट गरी १५ हजार आठ सय आठ जनाको नमुना परीक्षण गर्दा तीन हजार आठ सय ४० जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । 

यो कुल परिक्षणको २४ दशमलव २९ प्रतिशत हो । तथ्याङ्कअनुसार कोरोना सङ्क्रमण दर बढिरहेको छ । योसहित नेपालमा कोरोना सङ्क्रमण पुष्टि हुनेको सङ्ख्या सात लाख ४६ हजार सात सय तीन पुगेको छ । 

पछिल्लो २४ घण्टामा काठमाण्डाै उपत्यकामा आठ सय ५९ जनामा कोरोना सङ्क्रमण पुष्टि भएको छ । काठमाण्डाैमा पाँच सय ५९ जना, भक्तपुरमा ९५ जना र ललितपुरमा दुई सय ६ जनामा सङ्क्रमण पुष्टि भएको मन्त्रालयले जनाएकाे छ । 

यस्तै पछिल्लो २४ घण्टामा एक हजार नौ सय ९३ जना निको भएका छन् । योसँगै कोरोना सङ्क्रमणमुक्त हुनेको सङ्ख्या ६ लाख ४९ हजार ७२ जना पुगेको छ । 

यही अवधिमा थप ३३ जनाले कोरोना सङ्क्रमणबाट ज्यान गुमाएका छन् । योसहित कोरोना सङ्क्रमणबाट ज्यान गुमाउनेको सङ्ख्या नौ हजार सात सय ९१ पुगेको छ । 

अहिले नेपालमा २९ हजार चार सय ४४ जना सक्रिय सङ्क्रमित छन् । 


फेसबूक बाट प्रतिकृया दिनुहोस् :

भिडियो