ब्रेकिङ न्युज


#सामाजिक

खोटाङ र उदयपुर जोड्ने फोक्सिङटारमा बर्सेनि अस्थायी बेलिब्रिज राखिँदै हटाइँदै

ईखबरपत्रिका समाचार

प्रकाशित मिति: May 26,2021


RatoParkhalखोटाङ र उदयपुर जोड्ने फोक्सिङटारमा बर्सेनि अस्थायी बेलिब्रिज राखिँदै हटाइँदै

ईखबर १२ जेठ २०७८ बुधबार / खोटाङ र उदयपुर जोड्ने सुनकोशीमा रहेको फोक्सिङटारको अस्थायी बेलिब्रिज हटाउन थालिएको छ । खोटाङलाई पूर्वी सहरसँग जोड्ने दिक्तेल–गाईघाट सगरमाथा राजमार्ग अन्तर्गत खोटाङको खोटेहाङ गाउँपालिका–९ लिच्कीराम्चे र उदयपुरको रौतामाई गाउँपालिका ५ आँपटार जोड्ने सुनकोशीमा रहेको फोक्सिङटारमा गएको मङ्सिर २८ गतेदेखि सञ्चालनमा ल्याइएको बेलिब्रिज खोल्न सुरु गरिएको हो ।

गाईघाट–दिक्तेल सडक आयोजनाको झन्डै ८४ लाख रुपैयाँमा बेलिब्रिज राख्ने, हटाउने र सामान स्टोर गर्ने ठेक्का लिएको रेग्मी निर्माण सेवा गाईघाटले झन्डै हप्ता÷दश दिनमा बेलिब्रिज हटाइ सक्ने गाईघाट–दिक्तेल सडक कार्यालय उदयपुरका प्रमुख इन्जिनियर गोपाल खकुरेलले बताउनुभयो । 

एक सय एक किलोमिटर लामो गाईघाट–दिक्तेल सडक खण्डमा पर्ने ५० मिटर लम्बाइ भएको बेलिब्रिज हटाइए पछि कम्तीमा ६ महिनाका लागि दिक्तेलबाट सिधैँ गाईघाट हुँदै धरान, विराटनगर लगायतका सहर जाने दोस्रो र छोटो बाटो बन्द हुने छ ।  

फोक्सिङटारमा निर्माणाधीन पक्की आर्क डिजाइनको पुलको काममा ठेकेदारको चरम ढिलासुस्ती भएपछि यस ठाउँमा गएको ६ वर्षदेखि बेलिब्रिज राख्ने गरिएको छ । म्याद सकिएकाे वर्षाैँ बित्दा समेत पक्की पुल निर्माणको काम पूरा हुन नसकेको अवस्थामा फोक्सिङटारमा बेलिब्रिज राख्ने र हटाउने काममै नेपाल सरकारको बर्सेनि करोडौँ खर्च भइरहेको छ ।  


फेसबूक बाट प्रतिकृया दिनुहोस् :

भिडियो


लोकप्रिय