#घुमफिर

भारतको मधुवनी हुँदै महादेव गुफा ताराघारी, बेतीनी, जयरामघाट बाट हलेशी सम्म

यात्रुको चाप बढ्दा व्यापारमा सुधार

ईखबरपत्रिका समाचार

प्रकाशित मिति: July 31,2017



इखवरसम्वादाता
१५ गते श्रावण, २०७४
श्रावण महिना हिन्दुधर्मलम्बीहरु विशेषत धर्म कर्ममा नै विताउने चलन छ । परिवारमा सुख, व्यापारमा लाभ, वैदेशिक रोजगारमा लाभ, सामाजिक सद्भाव तथा आपूmले चाहेको कुरा पुरा हुने आशमा विभिन्न धामहरुमा तिर्थ यात्रा जाने र भगवानको दर्शन गरी पुण्य कमाईने एउटा धार्मिक आस्था भएकोले नै यो श्रावण महिना तिर्थालुहरु देउता धाम जाने चलन छ । विशेषगरी यो श्रावण महिनामा धार्मिक शास्त्रमा उल्लेख भए अनुसार समुन्द्रबाट निस्केको कालकुट विष शिवले मन्थन गर्दा शिवको निलकण्ठमा पिडा भएर अनर्थ हुन लागेपछि शिवलाई शान्त पार्न जल चढाउने किम्वदन्ती रहेको छ । र आप्mनो इच्छा, धन सम्पती, निरोगिता र आप्mनो संकल्प भाकल पुरा गर्न सोमबारको व्रत तथा नदि नालाबाट जल लगि महादेवको मन्दिरमा चढाउने चलन रहदै आएको छ । पं. लेखराज दाहाल ज्यूले भन्नु भयो ।
सोमवार विहानै खोला नदीमा नुहाएर मन्दिरमा लगी जल चढाउन धेरै तिर्थालुहरु आतुर देखिन्थ्यो ताराघारी महादेव गुफामा । स्थानीय ब्रतालुहरु नजिकैका जो टाढा सम्म गएर जल चढाउन नसक्ने हरु यही महादेव गुफामा हामी जल चढाएर भगवान शिवको दर्शन गर्छौ स्थानीय अप्सरा थापाले बताईन् ।

महादेव गुफा ताराघारीमा दर्शनार्थीहरु


हलेशी महादेवको दर्शनको लागि विभिन्न ठाउँहरुबाट तिर्थालु यात्रुहरु धेरै भन्दा धेरै आएको देखिन्छ । झापाको इलाम, काँकडभिट्टा, सिराहा, सप्तरी, धरान, इटहरी, विराटनगर, जनकपुर, सर्लाहीबाट अत्याधिक आउने गरेको पाईन्छ ।

विश्राम स्थल कटारी बजार

ग्रामिण भेग भएको भएर वर्षातको समयमा आउने पानी र बाढी पहिरोको कारण बाटोमा धेरै अवरोध हरु आएको भएता पनि दुःख ले यातायातको सुविधा सम्मलाई मनन् गर्दै यात्रुहरु आउने गर्दछन् । धेरै जसो युवाहरुको समूह १५० देखि २०० को हुलमा मोटरसाइकलमा सवार देखिन्छ भने वृद्धाहरु, महिलाहरु गाडी रिजर्भ गरी हलेसी आएको देखिन्छ ।
टाढाको दुरीबाट आउने यात्रुहरु दुई तिन दिन लगाएर हलेसी सम्म पुग्ने गर्दछन् । भारतको मधुवनीबाट शनिवार हिडेका विजयलाल चौधरी सिराहाको मिर्चैया हुँदै कटारी अनि बेतिनी सम्म आएर आराम गर्दै थिए । तराईको गर्मी अनि दिक्कलाग्दो विग्रीएको बाटोलाई वेतिनीको चिसो मनोरम हुस्सु लागेको दृश्य सँगै रामाउँदै यात्रुहरु थकाई मारिरहेको थियो । विजयलाल विस्तारै आईतवार वेलुका सम्म लेखानीको घुर्मी हुँदै बेलुका ओखलढुंगा र खोटाङको सिमाना जयराघाट बस्ने योजना सुनाउदै थिए ।
सोमवार विहानै दुधकोशीमा स्नान गरी जल लिएर हलेशी महादेवलाई चढाउन पुग्ने उनको योजना थियो ।

भारतको मधुवनी बाट हलेशी हिडेका विजयलाल चौधरी बेतनीमा विश्राम गर्दै

मध्य पाहाडी लोकमार्गको सुरुवात पछि काठमाण्डौ, भक्तपुर, लालिपुर, काभ्रे, धादिङ लगाएतका पश्चिमी जिल्लाहरुबाट पनि हलेशी महादेव धाम आउन जान ज्यादै सहज भएको छ ।
यात्रुहरुको चापले बजारमा साना व्यापारीहरुको पनि व्यापारमा राम्रै सुधार आएको देखिन्छ । रु. २० को दरले आज (शनिवार) मात्र मैले हरियो मकै पोलेर २५० पिस भन्दा माथी बेचे एक वेतिनीका स्थानीय मकै व्यापारी हरिमाया कार्कीले भनिन् ।
बेतिनीमा स्थानीय काँक्रा र निगुरो जस्ता सागहरु राम्रो बिक्री भएको र होटल व्यावसाय पनि राम्रो आम्दानी भएको स्थानीय दान बहादुर आले मगरले बताउनु भयो  ।

बेतिनीमा हरिमाया कार्कीले पोलेको मकैमा रमाउदै

कटारी बजारमा रहेको होटल माछापुच्छ«े, मकालु होटल, हिमाली होटल जस्ता होटलहरुको त झन भ्याई नभ्याई देखिन्छ । अग्रिम खाना र रुमको लागि बुक गर्नु पर्ने रहेछ ।

स्थानीय काँक्रा बेच्दै बेतिनीमा व्यापारी

लेखानीको घुर्मी बजारमा रहेको साना नास्ताको पसलहरु र खाना र बासको व्यवस्था भएका पसलहरुको चहल पहल पनि राम्रो छ । महिनै भरि यात्रुहरु हलेशी धामको लागि आउने हुनाले सेवाको लागि तयारी बस्नु परेको लेखानीको घुर्मीमा रहेको संगिता होटलको सञ्चालिका संगिता तामाङले बताउनु भइन् ।

लेखानीको घुर्मी बजार

दुधकोशीको जल हलेशी महादेवलाई चढाउने भएकोले आईतवार बेलुका जयरामघाट बजार अस्तव्यस्त हुने गर्छ । ग्रामिण भेग भएको कारण ग्राहकहरुलाई राम्रो खाना र बासको लागि व्यवस्था पु¥याउनु नसकेकोमा जयरामघाटका स्थानीय होटल व्यवसायी मनोज राई दुःख व्यक्त गर्नु हुन्छ ।

ओखलढुंगा र खोटाङको संगम स्थल जयरामघाट पुलCaption


सोमवार विहान जयरामघाट बाट हिडेका यात्रीहरु विहान १० देखि ११ को विचमा हलेशी महादेवको धाम पुग्ने गर्दछ । त्यहाँको चारै तर्पmको भक्तजनहरुको आवत जावत र त्यस मन्दिर परिसरको सवै व्यवस्था मिलाउन व्यवस्थापन लाई धौ धौ पर्दछ । खानेपानी र शौचालयको अपुग व्यवस्थाले झनै गाह्रो बनाउने हलेसीका स्थानीय युवा तथा व्यापारी रुपेन्द्र राई बताउनु हुन्छ ।
सामान्य समयमा भन्दा राम नवमी, शिवरात्री, एकादशी र श्रावणको महिनै भरी यस क्षेत्रमा यात्रुले खाना पाउनु र बास पाउनुमा निक्कै गाह्रो पर्छ । स्थानीय हामस लाईले बताउनु भयो ।
हालको सन्दर्भमा हलेशीको व्यवस्थापनमा धेरै सुधार भएको छ । खानेपानी पम्पिङ गरी माथि लगिएको, थप शौचालयहरुको व्यवस्था गरिएको, नगरपालिको सहयोगबाट बिजुलीबक्तिको व्यवस्था गरिएको, सरसफाईमा महिनावारी तलवको व्यवस्था गरी कर्मचारी खटाईएको श्रद्धालुभक्तजनहरु र पर्यटकहरुको विशेष सुविधाहरुको लागि हलेशी बजारमा खाना नास्ता र बासको लागि र अन्य सुविधाहरुको लागि विशेष व्यवस्था गरिएको हलेसी मन्दिर व्यवस्थापनका अध्यक्ष गजुरमान राईले बताउनु भयो ।
हलेशीको शान्ति सुरक्षाको लागि अहिले सम्म त्यस्तो नराम्रो घटनाहरु हुन नदिन नेपाल प्रहरी सदैव हलेसी महादेवको र हलेसी वासी जनताहरुको सुरक्षामा लागिपरेको ईलाका प्रहरी कार्यालय हलेसीका सई राजेन्द्र पाण्डेले बताउनु भयो ।

 


फेसबूक बाट प्रतिकृया दिनुहोस् :