ब्रेकिङ न्युज


#समाचार

संविधान दिवस आज विभिन्न कार्यक्रम गरी मनाइँदै

ईखबरपत्रिका समाचार

प्रकाशित मिति: September 20,2019


RatoParkhalसंविधान दिवस आज विभिन्न कार्यक्रम गरी मनाइँदै

काठमाडौँ,संविधानसभाबाट संविधान जारी भएको आज चार वर्ष पूरा भएको छ। असोज तीन गते मनाइने संविधान दिवस आज विभिन्न कार्यक्रम गरी मनाइँदैछ। २०७२ असोज ३ गते संविधान सभाको बैठकमा तत्कालीन राष्ट्रपति डा. रामवरण यादवले नेपाली जनतासमक्ष संविधान घोषणा गरेका थिए।

संविधानसभाबाट संविधान जारी हुँदा मुलुकको अवस्था सामान्य थिएन। मधेस केन्द्रित दल संविधान अपूर्ण रहेको भन्दै आन्दोलनमा थिए भने छिमेकी मुलुक भारतले संविधानप्रति असन्तुष्टि जनाउँदै नेपालमाथि अघोषित नाकाबन्दी नै लगाएको थियो।संविधान जारी भएको चार वर्षसम्म संविधान कार्यान्वयनमा सन्तोषजनक प्रगति भएको छ।

संविधानलाई अपूर्ण रहेको भन्दै विगतमा आन्दोलन गर्ने राजनीतिक दल यही संविधान अनुसार भएको निर्वाचनमा सहभागी भएर सरकारमा संचालनमा छन् भने नेपालमाथि नाकाबन्दी लगाएको भारतले पछिल्लो समय नेपालसँगको सम्बन्धलाई थप सुदृढ पार्न खोजिरहेको छ।

संविधान संशोधन गर्नुपर्ने समाजवादी नेपाल र राजपाको माग यथावत छ र सरकारले पनि आवश्यकता र औचित्याका आधारमा संविधान संशोधन गर्न सकिने जनाएको छ। संविधान जारी भएपछि मुलुकमा तीन तहको निर्वाचन सम्पन्न भएका छन्।मुलुक नयाँ शासन व्यवस्थामा गएको छ। एकात्मक राज्य सत्ता अहिले संघीय ढाँचामा भएको छ। स्थानीय तह, प्रादेशिक र संघीय गरी मुलुकमा तीन तहको सरकार संचालित छन्।

संविधानसभाबाट संविधान जारी भएको ४ वर्ष पूरा भएको छ । दिवसका अवसरमा शुक्रबार संविधान दिवस मूल समारोह समितिले राजधानीमा विशेष समारोहको आयोजना गरेको छ । समारोहमा राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री केपी शर्मा ओली, पूर्वप्रधानमन्त्रीहरू, सभामुख, राष्ट्रियसभाका अध्यक्ष, संवैधानिक निकायका प्रमुखलगायतलाई आमन्त्रण गरिएको छ ।


फेसबूक बाट प्रतिकृया दिनुहोस् :

भिडियो